Home » वित्तीय

पचास प्रतिशत बजेट पनि खर्च भएन : अर्थमन्त्री

9:32 AM |
काठमाडौँ । अर्थमन्त्री डा रामशरण महतले बजेटको स्रोत जुटाउन समस्या नभएपनि कार्यान्वयनमा समस्या रहेको बताएका छन् ।
मन्त्री महतले आर्थिक वर्ष समाप्त हुन लाग्दा अधिकाशं मन्त्रालयका विकास बजेट पचास प्रतिशत पनि खर्च हुन सकेका नसकेको बताए ।
विपी चिन्तन प्रतिष्ठान र मानवतावादी समाज ९सोच० नेपालद्वारा संयुक्तरुपमा विनाशकारी भूकम्पपछि नव निर्माणसम्बन्धी बुधबार आयोजित कार्यक्रममा अर्थमन्त्री डा महतले विकास आयोजनाका लागि बजेटको अभाव हुन्न काम गरेर देखाउनुहोस् भन्दा पनि मन्त्रालयहरुले बजेट खर्च गर्न नसकेको गुनासो गर्दै प्रशासनिक तहबाट यस्तो प्रवृत्ति अन्त्य हुनु जरुरी भएको बताए ।
उनले विनाशकारी भूकम्पले पु¥याएको क्षतिको पुनःनिर्माण तथा पुनः स्थापनाका लागि विदेशी सहयोग जुटाउन नै असार १० गते दाता सम्मेलन आयोजना गर्न लागिएको स्पष्ट पारे ।
अर्थमन्त्री डा महतले दाता सम्मेलनका लागि आवश्यक तयारी सरकारका तर्फबाट पुरा भइसकेको बताउदै विपद् व्यवस्थापनका लागि अधिकार सम्पन्न निकाय छिट्टै गठन हुन लागेको जानकारी दिए ।
Read more…

भूकम्पका कारण डेढ अर्ब बढीको नोक्सानी

9:30 AM |
वीरगन्ज। भूकम्पका कारण वीरगन्ज भन्सार कार्यालयलाई रु डेढ अर्ब बढीको नोक्सानी भएको छ ।
भूकम्पका कारण जेठ महिनामा रु एक अर्ब ७५ करोड ३७ लाख दुई हजार राजस्व क्षति भएको छ ।
भन्सार विभागले वीरगन्ज भन्सार कार्यालयलाई जेठ महिनामा रु आठ अर्ब ९४, करोड ५१, लाख ४४, हजार राजस्व सङकलन गर्ने लक्ष्य दिएकोमा रु सात अर्ब १९, करोड १४, लाख ४२ हजार मात्र राजस्व सङकलन गरेको छ ।
लक्ष्य भन्दा झन्डै २० प्रतिशतले कम राजस्व सङकलन भएको कार्यालयका सूचना अधिकृत सुशील शर्माले बताए । भूकम्पका कारण वैशाख महिनामा समेत वीरगन्ज भन्सार कार्यालयको राजस्व असुली प्रभावित भएको थियो ।
वैशाख महिनामा मात्रै कार्यालयलाई रु दुई अर्ब, ६१ करोड, २७ लाख, २८ हजार ७८३ रुपैया घाटा भएको छ । यहाँ वैशाख महिनामा रु पाँच अर्ब ६१, करोड ७४, लाख २२, हजार २१७ रुपैया राजस्व सङकलन भएको थियो ।
Read more…

तातोपानी नाकाको कारोबार प्रभावित, अब रसुवा नाका खोलिने

9:28 AM |
काठमाडौँ । भूकम्पका कारण तातोपानी नाका बन्द भएपछि रसुवा नाकाबाट कारोबार अघि बढाइने भएको छ ।
व्यवस्थापिका संसद कृषि तथा जलस्रोत समितिको आज सिहदरबारमा बसेको बैठकमा अर्थमन्त्रायका राजस्व सचिव नवराज भण्डारीले सो कुराको जानकारी दिनुभएको हो ।
सभासद् अमृतकुमार बोहराले भूकम्पका कारण तातोपानी नाका बन्द हुँदा दैनिक करोडौँकारोबारमा प्रत्यक्ष प्रभाव परेको र सयौँ कन्टेनर अझै पनि खासामा अलपत्र परेको छ भन्दै सरकारको ध्यानाकर्षण गराएका थिए ।
समितिका सभापति गगन थापाको अध्यक्षमा बसेको सो बैठकमा सचिव भण्डारीले तातोपानीस्थित नेपालको सीमामा रहेका केही कन्टेनर स्कर्टिङ गरेर ल्याइएको तर सीमापारी भने अझै ५०० कन्टेनर रोकिएको बताए ।
नाका खुलाउन नेपाल सरकार तयार भए पनि चिनियाँ पक्षले केही प्राविधिक समस्या देखाएकाले काम अघि बढ्न नसकेको उल्लेख गर्दै उनले तत्कालै सो नाका खुला गर्न सक्ने स्थिति नदेखिएकाले आगामी दसँैका लागि रसुवा नाकाबाट कारोबार अघि बढाउने तयारी भएको जानकारी दिए ।
Read more…

उद्योग वाणिज्य महासङ्घ अध्यक्षमा तीन जनाको उम्मेदवारी

9:19 AM |
काठमाडौ । नेपाल उद्योग वाणिज्य महासङ्घको अध्यक्षमा तीन जनाले उम्मेदवारी दर्ता गरेका छन् ।
आगामी शुक्रबार उक्त पदका लागि हुने निर्वाचनमा महासङ्घका कार्यबाहक अध्यक्ष पशुपति मुरारका, पूर्व उपाध्यक्षद्वय श्रीमती भवानी राणा र भाष्करराज राजकर्णिकारले मनोनयन दर्ता गर्नुभएको प्रमुख निर्वाचन अधिकृत गोविन्ददेव पाण्डेले बताए ।
अध्यक्षका प्रत्यासी राणा यसअघिको निर्वाचनमा वरिष्ठ उपाध्यक्ष र राजकर्णिकार अध्यक्षमा पराजित भएका थिए । अध्यक्षमा प्रदीपजङ्ग पाण्डे र वरिष्ठ उपाध्यक्षमा मुरारका विजयी भएका थिए ।
झन्डै तीन दशकअघिको भ्रष्टाचार मुद्दामा गत चैत ३ गते सर्वोच्च अदालतले निर्वाचित अध्यक्ष पाण्डेलाई दोषी ठह¥याएपछि उक्त पद रिक्त भएको हो । महासङ्घको करिब पाँच दशक लामो यात्रामा पहिलोपटक एकै कार्यकालका लागि दोस्रो निर्वाचन हुँदैछ ।
आगामी २१ महिनाका लागि कार्यबाहक अध्यक्षले नै महासङ्घलाई नेतृत्व प्रदान गर्ने सर्वसम्मत निर्णय महासङ्घ कार्यकारी परिषद्बाट हुन नसक्दा निर्वाचन हुन लागेको हो ।
यसैबीच, रासससँग सङ्क्षिप्त कुरा गर्दै कार्यबाहक अध्यक्ष मुरारकाले व्यावसायिक एकताका लागि निर्विरोध अध्यक्ष चयनको पक्षमा आफू रहेको बताउँदै त्यस निम्ति सहमतिको प्रयास जारी रहेको स्पष्ट बताए ।
महासङ्घलाई राजनीतिबाट मुक्त गर्ने र मुलुकको अर्थतन्त्रको उन्नतिका लागि सबै एकजुट हुनुपर्नेमा जोड दिँदै उनले भूकम्पपछिको देशको अर्थव्यवस्थामा भरथेग गर्न पनि एकता र मेलमिलापको सन्देश प्रवाह गर्न सहमति हुनैपर्ने बताएका छन् ।
Read more…