एजेन्सी । भारतका कयौँ क्षेत्रमा ४० भन्दा बढी तापक्रममा बृद्धि हुदा हजार भन्दा बढी मानिसको मृत्यु भयो ।

त्यस्तै अर्को राष्ट्र पाकिस्तानमा अत्याधिक गर्मी पछि को लूका कारण मर्ने मानिसको संख्या पनि हजार भन्दा बढी पुग्यो ।

तर ७० डिग्री भन्दा पनि बढी तापक्रम रहने स्थान समेत छ विश्वमा ।

ईरानको दश्त ए लुतमा ७०.७ डिग्री तापक्रम मापन गरिएको छ । उक्त स्थानको केहि ठाउमा तापक्रम अझ उच्च हुने गरेको छ ।

Read more…

एजेन्सी । एन्डोनेसियाको मेदानमा सेनाको यात्रुबाहक विमान घना आवास भएको सहरी इलाकामा खस्दा विमानमा सवास सबै यात्रुको निधन भएको छ ।

विमानमा प्राविधिक समस्या आउँदा विमान दुर्घटना भएको थियो । सुमित्रा टापुमा रहेको उक्त सहरमा रहेको एक घरमा विमान ठोक्कीएको थियो ।

विमानमा सवार सबै एक सय १३ जना यात्रुको मृत्यु भएको इन्डोनेसियाको एयर फोर्सले जनाएको छ । हर्कुलस सी–१३० विमान एक्कासी आवास क्षेत्रको एक घरमा बज्रीन पुगेको थियो ।

विमान खस्दा दुई घर र एक होटल पुर्ण क्षती भएका छन् । होटल र घरमा रहेका सर्वसाधारणको पनि मृत्यु भएको हुनसक्ने आशंका गरिएको छ ।

Read more…

दोलखा, वैशाख २१ - भूकम्पको पीडाले एक थरी मानिस आहत भइरहेका बेला केहीलाई भने चोर्ने र लुट्ने माैका मिलेको छ । भूकम्पपछि खुलाचौरमा बसिरहेका सर्वसाधारणको घर चोर्न पनि सक्रिय छन् । अर्कोतिर मौका यही हो भन्दै पीडितका लागि ओसार्दै गरेको राहतलाई लुट्ने गिरोह पनि उत्तिकै छ ।
राहतको विषयमा वादविवाद र कुटाकुट पनि भइरहेका छन् । चरिकोट बजार र ग्रामीण क्षेत्रहरूका भत्किएको घरभित्र चोरीको घटना पनि हुन थालेको छ । पाखाटोलमा चोरी भएको सुरज श्रेष्ठले जानकारी दिए ।
दोलखाका लागि सभासद, राजनीतिज्ञ, पेसा व्यवसायी, बुद्धिजीवीहरूले आफ्नै र विभिन्न स्थानबाट संकलन गरी पठाएको राहतका ट्रकहरू जिल्ला भित्रनु अगावै लुटिएका छन् । कान्छी सगरमाथा आरोही निमडोमा शेर्पाले आफ्नै सक्रियतामा गृह गाउँ सिमिका लागि संकलन गरेर ल्याएको सामग्री प्रहरीको गस्तीसाथमा ल्याउनुपर्‍यो । सिन्धुपाल्चोकको अधेरीबाट प्रहरी भ्यानले स्कर्टिङ गर्दा पनि जोगाएर ल्याउन मुस्किल परेको उनले बताइन् । ‘बल्लतल्ल ल्याएको १ ट्रक राहत बुझाउन सेनाको व्यारेकभित्र आदेश कुर्नुपर्दा भने मन दुख्यो,’ आरोही निमडोमाले दु:खी हुँदै भनिन्, ‘दु:ख पाएका जनताका लागि स्वस्फूर्त प्राप्त हुने राहत बुझ्ने प्रक्रिया सहज र सबैको पहुँच हुने गरी २४ सै घण्टा खुला हुनुपर्छ ।’
दोलखाका ५६ हजार घरधुरीमध्ये करिब ५० हजार घर क्षतिग्रस्त भएकाले उनीहरूका लागि ल्याइएको सामग्री काभ्रेपलाञ्चोक र सिन्धुपाल्चोकस्थित राजमार्गमा बसेकाले लुट्ने गरेका छन् । सभासद आनन्दप्रसाद पोखरेलका अनुसार ४ ट्रक खाद्यान्न र सामग्री जिल्ला पुग्न सकेन । निकै आलोचनाको बाबजुत जिल्लास्थित राहत भण्डारण केन्द्र पनि सेनाको ब्यारेकमा राखिएको छ । स्थानीय प्रशासनले असुरिक्षत भएकाले सेनाको ब्यारेकभित्र भण्डारण गर्नुपरेको बताएको छ ।
भूमार्गबाट पीडितहरूका लागि राहत ल्याउन अरनिको राजमार्ग खतरा भएपछि इन्जिनियर महेन्द्रबहादुर कार्कीले खुर्कोटबाट रामेछाप हुँदै गृहगाउँ मेलुङमा राहत पुर्‍याए । उनले गाविस सचिव र राजनीतिक दलहरूको रोहबरमा ३ सय त्रिपालसहित १६ सामग्री वितरण गरेका छन् । दोलखाका प्रमुख जिल्ला अधिकारी प्रेमलाल लामिछानेले भूकम्पपीडितभन्दा पनि मौकाको फाइदा उठाउनेहरूबाट लुटपाट कार्य भइरहेकाले सुरक्षा बन्दोवस्त गरिएको बताए । उनका अनुसार राहत ल्याउने र पुर्‍याउने कार्यमा सुरक्षाकर्मी परिचालित भइरहेका छन् । सुरक्षा बन्दोवस्तको बाबजुद नै उत्तरको सिंगटी क्षेत्रका लागि खाद्य संस्थानले पाठाएको ४ सय बोरा चामलमध्ये ९१ बोरा लामिडाडाँस्थित बञ्चरेमा लुटिएको छ । नेपाली सेनाको आकस्मिक उद्धार क्याम्प सिंगटीका मेजर भीष्म रावलका अनुसार प्राप्त राहतलाई आवश्यकताको आधारमा वितरण गर्न सघाएको बताए ।
गाउँगाउँमा लान लागिएको राहत पनि लुटिने क्रम बढेको छ । जफेमा लगिएको राहत झुलेमा लुटिएको प्रहरी निरीक्षक शान्तबहादुर लामाले बताए । उनका अनुसार राहतकै विषयमा लामिडाँडामा झगडा भएको छ । राहत व्यवस्थापन समिति संयोजक रेशकलाल कडेलका अनुसार ४० हजार पाल आवश्यक भएकामा समितिको तर्फबाट २२ सय मात्र पठाइएको छ ।

Read more…

लाङटाङ, वैशाख २० - महाभूकम्पको एक सातापछि रसुवा सदरमुकाम धुन्चे पुग्दा आधा दर्जन युवायुवती लाइन लागेर बसेका थिए । भूकम्पको भोलिपल्ट लाङटाङ हिमालको फेदबाट उद्धार गरेर ल्याइएका उनीहरू पुन: घर फर्किन चाहन्थे । तीमध्येकी एक थिइन् २५ वर्षीया निङमार तामाङ ।
उनले मजेत्राले बाँधेर ढाडमा ६ महिनाको नानी बोकेकी थिइन् । 'सबै मान्छे, चिनेजानेको उतै छ, यहाँ बसेर के गर्नु ?' उनले भनिन्, 'यहाँ अर्काले दिएको खाएर कति दिन बस्ने ?'

निङमार र उनका श्रीमान्ले त्यहाँ होटेल चलाउँदै आएका थिए । महाभूकम्पले हिमाल हल्लाएपछि गएको हिमपहिरोमा परेर होटेल त गयो नै, उनका श्रीमान् पनि पुरिए । आफू त्यहाँ पुग्न पाए अझै श्रीमान् फेला पर्ने उनको आस मरेको छैन । तर, सेनाले उनीहरूलाई त्यहाँ नपुर्‍याउने भयो ।
'केही दिनअघि मात्र उद्धार गरेको, फेरि पुर्‍याएर के गर्नु ?' धुन्चेस्थित गणका गणपति लक्ष्मण
थापाले भने, 'फेरि अर्को दिन ल्याउनु मात्र होइन, राहतसमेत पुर्‍याउनुपर्छ ।'
लाङटाङ हिमालको काख विदेशी पर्यटकको मुख्य गन्तव्यस्थल थियो । तर, अहिले त्यही बजार बगरमा परिणत भएको छ । ०७२ वैशाख १२ गते दिउँसो गएको महाभूकम्पले सुन्दर बजार मरुभूमिमा मात्र परिणत भएन, कति जनाको परिवारै डुब्यो । करिब चार सय व्यक्ति रहेको बस्तीमा एउटा घर मात्र बच्यो । त्यो पनि भित्तामा अडिएर । माथिबाट खसेको हिमपहिरोले कतिको ज्यान गयो, कसैसँग आधिकारिक तथ्यांक छैन, तर दुई सयको हाराहारीमा व्यक्ति हराएका छन् । उनीहरू माथिबाट खसेको हिउँको दलदलमा फसेका छन् । जीवित प्राणी भनेको त्यहाँ केही घोडा र याक थिए । तिनीहरू पनि खान नपाएर भौतारिरहेका थिए ।
३७ वर्षीया किङगा शेर्पा शनिबार नजिकै रहेको क्यान्जिङ गाउँबाट एक पुरुषका साथमा आइन् । नयाँ जनस्वास्थ्य चौकीको भवन बनाउन लागेको स्थानमा आएर बोरा पल्टाइन् । बोराको मुनि एक महिलाको शव थियो । बौद्ध धर्म मान्ने उनले रुँदै त्यसलाई ढोगिन् ।
उनका पुरोहितले मन्त्र पढे । तीनपटक भुईं ढोग्दै नमस्कार गरेपछि उनले त्यो शव त्यहीँ छाडेर गइन् । त्यो शव उनकी बहिनीको हो । उनीहरूको घर त्यही सहरमा थियो । दिदीबहिनी १० वर्षदेखि व्यवसाय गरेर बसेका थिए । भूकम्प आएको दिन उनी नजिकैको अर्को बस्ती क्यान्जिङ गएकी थिइन् ।
बिहान गएकी उनी साँझ फर्केर आउँदा बस्ती पुरै सखाप थियो । बस्ती मात्र होइन, आफन्तहरू पनि पुरै सकिए । बहिनीको शव भर्खरै उम्रँदै गरेको जौबारीको भित्तामा थियो । त्यो प्रहरीले केही समयअघि भेटेको थियो ।
उनलाई थाहा छैन, अरू आफन्त कहाँ छन् ? उनी धर्मअनुसार बहिनीको शव गाड्न चाहन्छिन् । तर, उनको शव बोकेर लगिदिने कोही छैन । 'सबैको बिजोग छ, कसले मद्दत गर्छ ?' उनले भनिन्, 'अरू त सबै हिउँमुनि पुरिएका छन्, भेटिँदैन होला ।'
 
उनी शव त्यत्तिकै छाडेर गइन् । प्रहरीले त्यो शवलाई बोराले छोपेर त्यत्तिकै छाड्यो ।
पहिरो गएकोनजिकै ७/८ युवाको जत्था थियो । उनीहरू आफ्नो डुबेको गाउँ र आफन्तलाई टाढैबाट हेर्न आएका थिए । घटनास्थलमा प्रहरीले जान रोक लगाएको थियो । 'हिमपहिरो गएको स्थानमा जाँदा डुब्लान् भन्ने डरले उनीहरूलाई नपठाएको हो,' जिल्ला प्रहरी कार्यालय रसुवाका डीएसपी प्रवीण पोख्रेलले भने, 'उद्धारकर्मीबिना त्यहाँ जानु उच्च जोखिम हो ।'
शनिबार नेपाली सेना र नेपाल प्रहरीको टोली उद्धारका लागि त्यहाँ पुगेको थियो । हिमपहिरोमा परेर ज्यान गुमाएकाहरूको उद्धारका लागि उनीहरू त्यहाँ पुगेका थिए । दुई ठूला हिमालको बीचमा पसेर उद्धारकर्मीहरूले नेपाली र विदेशी गरेर ८ जनाको शव निकाले ।
उनीहरू अझै पुरिएका शव खोजिरहेका छन् । 'दुई सय त नेपाली मात्र पुरिएको अनुमान छ,' उद्धारमा खटिइरहेका पोख्रेलले हातमा लगाएको पन्जा निकाल्दै भने, 'पूरै हिउँमा शव भेटिने आधार खोजेर उत्खनन् गर्छौं ।'
पुरिएको बस्तीभन्दा अलिपर एक वृद्ध टोलाएर बसिरहेका थिए । एकटकले पहिरोले पुरेको बस्तीतिर हेरिरहेका उनलाई आवाज दिँदा झस्किए । ७० वर्षीय पासाङ वाङदीले त्यो पहिरोमा सबै गुमाए । श्रीमती ६४ वर्षीया भुट्टी तामाङ, ३५ वर्षका छोरा, बुहारी र नातिनी यही पहिरोमा पुरिए ।
क्यान्जिङको मौसम विभाग शाखामा काम गर्ने उनको काम हिउँ वा पानी कति पर्‍यो भनेर जाँच्ने हो । सरकारी जागिरे भएकाले उनी ज्यादा समय क्यान्जिङमै हुन्छन् । श्रीमतीसहित सबै त्यहीँ बस्थे । घरको नामोनिसान छैन । परिवार गुमाएका उनी खान नपाएको भन्दै रोइरहेका थिए ।
'सब खत्तम भयो, उनीहरू त गए नै, मलाई खानसमेत छैन,' उनले भने, 'अर्काको घरमा मागेर खाइरहेको छु ।' उनको घरमा ३ लाख जति नगद र ५ तोला सुन थियो ।
स्थानीयका अनुसार पहिरो जानुअघि त्यहाँ ४ सयजनाको हाराहारीको बसोबास थियो । तीमध्ये दुई सयभन्दा बढी हराएका छन् । एक दर्जनको शव भेटिएको छ । पूरै रसुवा जिल्लामा पहिरोमा परेर ज्यान गुमाउनेको संख्या तीन सय नाघिसक्यो ।
त्यहाँ जम्मा भएकाहरू राहत नपाएको गुनासो गरिरहेका थिए । मध्य क्षेत्रीय नेपाल र सशस्त्र प्रहरी बलका प्रमुखहरू क्रमश: देवेन्द्रजंग सुवेदी र रामशरण पौडेललाई खान नपाएको गुनासो गरे । 'घरको छानो उडिसक्यो, थोत्रा पाल टाँगेर बसिएको छ,' स्थानीय होटेल व्यवसायी सुब्बा लामाले भने, 'खाने कुरो आएको छैन ।'
हिमाली जिल्लामा सरकारको नजर कम थियो । त्यहाँ परिवार र घरबार गुमाउने धेरै भेटिए । खेतबारी नै गुमाएकाहरू पनि थिए ।

Read more…

सिन्धुली, वैशाख १६ - बीपी राजमार्ग हुँदै पूर्वी नेपाल तथा तराइका बिभिन्न भाग जाने यात्रुसँग बढी भाडा असुल्ने ५८ सवारीसाधनमािथ कारबाही गरिएकाे छ । सिन्धुलीको ढुंग्रेवास र चियावारी नजिकमा चेकजाँच गरि प्रहरीले पैसा फिर्ता गराएकाे हाे ।

काठमाडाै‌काे कोटेश्वरबाट सिन्धुलीमाढीसम्म १४८ किमी कालोपत्रे सडकमा ८ देखि १० यात्रु अट्ने साना सवारीले २५ हजारसम्म भाडा असुलेको पाइएको छ । यसरी बढी भाडा लिनेबाट म‌गलबार र बुधबार दुई दिनगरी यात्रुलाई करिब  ५ लाख रुपैंया फर्काइएको प्रहरी निरिक्षक राजेन्द्र थापाले जानकारी दिए ।

सरकारले बससेवा मार्फत नि:शुल्क घरफिर्ता गर्ने घोषणा गरे पनि महंगो रकम तिरेर रिजर्भ लिइ आउने चाप बुधबार पनि घटेको छैन् ।

मंगलबार मात्रै करिब १५ हजार सवारी साधन बीपी राजमार्ग हुँदै पूर्वी तराइ गएका छन् । बर्दिवाससम्मको १६० किलोमीटर सडकमा एउटा ट्याक्सीले २० हजारसम्म असुलेको पाइएको र त्यस्ताबाट रकम फिर्ता गरिएको ट्राफिक प्रहरीका रामेश्वर पाण्डेले जानकारी दिए ।

Read more…

काठमाडौ, वैशाख १६ - शनिबारदेखि बुधबारसम्म ४ रेक्टरस्केल भन्दा ठूला १ सय ३ भूकम्प गएका छन् । शनिवार ११:५६ मा गोरखाको बारपाक केन्द्रविन्दु बनेर गएको ७.६ रेक्टरको भूकम्प सबैभन्दा ठूलो हो ।

त्यो अहिलेसम्मकै दोस्रो ठूलो भूकम्प भएको खानी तथा भूगर्भ विभागका उपमहानिर्देशक डा.सोमनाथ सापकोटाले बताए । यसअघि १९९० मा ८.४ रेक्टरस्केलको भूकम्प गएको थियो । त्यसबाट ८ हजार ५ सय जनाको ज्यान गएको थियो भने हजारौ संरचना ध्वस्त भएको थियो ।

पहिलो दिन १२ गते शनिबार १२ घण्टामा ३९ वटा भूकम्प गएका थिए भने १३ गते आइतबार २४ घण्टामा ३८ तेस्रो दिन १४ गते सोमबार २४ घण्टामा १३ र चौथो दिन मंगलबार २० घण्टामा ११ भूकम्प गएको राष्ट्रिय भूकम्प मापन केन्द्रले जनाएको छ ।

यसैगरी बुधबार बिहान ४ रेक्टर स्केलका दुईवटा भूकम्प गएका छन् ।

केन्द्रका प्रमुख लोकविजय अधिकारीका अनुसार शनिबारदेखि मंगलबारसम्म ४ रेक्टरस्केलभन्दा साना ६ सय भन्दा बढी भूकम्प गएको छ । तर तीनले कुनै असर नपुर्‍याउने भूगर्भविद्हरु बताउँछन् । ४ रेक्टरभन्दा तलका भूकम्प आएको खासै थाहा नहुने अधिकारीले बताए ।

कुन दिन कति भूकम्प ?

(४ रेक्टर स्केलभन्दा माथिका)

वैशाख १२ गते शनिबार

क्रम        समय    कत्रो    केन्द्रबिन्दु

१.        ११:५६    ७.६        गोरखा

२.        १२:२३    ५.५      सिन्धुपाल्चोक÷तिब्बत

३.        १२:३०    ६.६       गोरखा

४.        १२:४१    ५.७     रसुवा

५.        १२.५३    ५.३    रसुवा

६.        ०१:३२    ५.१      तिब्बत

७.        ०२:०२    ५.२    सिन्धुपाल्चोक

८.        ०२:०५    ५.१    गोरखा

९.        ०२:१४    ५.२    गोरखा

१०.        ०२:४०    ५.७    काभ्रे

११.        ०२:४८    ५.३    रसुवा

१२.        ०३:०२    ५.९    तिब्बत

१३.        ०३:१५    ५.५    सिन्धुपाल्चोक

१४.        ०३:२८    ४.६    रसुवा

१५.        ०४:०८    ४.१    सिन्धुपाल्चोक

१६.        ०४:२५    ४.०    सिन्धुपाल्चोक

१७.        ०४.५०    ४.६    सिन्धुपाल्चोक

१८.        ०५:२६    ४.१    रसुवा

१९.        ०६:०२    ४.९    नुवाकोट

२०.        ०६:२४    ४.५    दोलखा

२१.        ०६:२९    ५.५    गोरखा

२२.        ०७:१५    ४.७    रसुवा

२३.        ०७:२१    ४.९    दोलखा

२४.        ०७:३८    ४.१    नुवाकोट

२५.        ०७:४७    ४.१    काठमाडौं

२६.        ०७:५५    ४.७    सिन्धुपाल्चोक

२७.        ०८:०८    ४.१    रसुवा

२८.        ०८:२१    ४.५    दोलखा

२९.        ०८:२५    ५.०    सिन्धुपाल्चोक

३०.        ०८:३६    ४.४    रसुवा

३१.        ०९:०२    ४.२    सिन्धुपाल्चोक

३२.        १०:१२    ५.३    सिन्धुपाल्चोक

३३.        १०:३१    ४.०    नुवाकोट

३४.        ११:१९    ४.१    सिन्धुपाल्चोक

३५.        ११:२४    ४.०    सिन्धुपाल्चोक

३६.        ११:२५    ४.०    नुवाकोट

३७.        ११:२७    ५.६    तिब्बत

३८.        ११:४०    ४.०    रसुवा

३९.        ११:४६    ४.१    सिन्धुपाल्चोक

आइतबार

४०.        ००:१४    ४.१    सिन्धुपाल्चोक

४१.        ००:४३    ४.६    काठमाडौं

४२.        ०१:२९    ४.१    सिन्धुपाल्चोक

४३.        ०१:४९    ४.०    रसुवा

४४.        ०१:५२    ४.२    गोरखा

४५.        ०१:५६    ४.४    सिन्धुपाल्चोक

४६.        ०२:०८    ४.०    रसुवा

४७.        ०२:१४    ४.३    गोरखा

४८.        ०२:१७    ४.८    सिन्धुपाल्चोक

४९.        ०२:४९    ४.०    गोरखा

५०.        ०२:५२    ४.८    सिन्धुपाल्चोक

५१.        ०५:०१    ५.५    गोरखा

५२        ०५:२५    ४.०    काठमाडौं

५३.        ०५:२६    ४.५    दोलखा

५४.        ०५:३२    ४.०    रसुवा

५५.        ०६:००    ४.०    काठमाडौं

५६.        ०६:१७    ४.०    नुवाकोट

५७.        ०८:४३    ४.५    गोरखा

५८.        ०८:५५    ५.१    नुवाकोट

५९.        ०९:०६    ५.०    काभ्रे

६०.        १०:३५    ४.५    सिन्धुपाल्चोक

६१.        १०:४३    ४.८    गोरखा÷धादिङ

६२.        ००:५४    ६.९    दोलखा÷ सिन्धुपाल्चोक

६३.        ०१:१२    ५.३    सिन्धुपाल्चोक

६४.        ०१:२२    ५.०    सिन्धुपाल्चोक

६५.        ०२:२५    ४.८    सिन्धुपाल्चोक

६६.        ०२:३१    ४.५    सिन्धुपाल्चोक

६७.        ०३:२७    ४.५    सिन्धुपाल्चोक

६८.        ०६:५६    ५.०    सिन्धुपाल्चोक

६९.        ०७:०८    ४.०    सिन्धुपाल्चोक

७०.        ०८:१७    ४.०    नुवाकोट

७१.        ०८:२९    ४.५    सिन्धुपाल्चोक

७२.        ०८:४२    ४.५    गोरखा

७३.        ०९:४७    ४.०    दोलखा

७४.        १०:०८    ४.०    काठमाडौं

७५.        १०:११    ५.३    सिन्धुपाल्चोक

७६        १०:४२    ४.०    दोलखा÷ सिन्धुपाल्चोक

७७.        ११:५१    ४.२    सिन्धुपाल्चोक

सोमबार

७८.        ००:३९    ४.५    रसुवा

७९.        ०३:३७    ४.१    नुवाकोट

८०.        ०४:१५    ४.२    काभ्रे

८१.        ०४:१७    ४.५    काभ्रे

८२.        ०४:२७    ४.४    सिन्धुपाल्चोक

८३.        ०६:२४    ४.७    नुवाकोट

८४.        ०८:१८    ४.२    काभ्रे

८५.        ०९:५९    ४.३    रसुवा

८६.        १०:०५    ४.०    सिन्धुपाल्चोक

८७.        ०३:१७    ४.०    नुवाकोट

८८.        ०९:३६    ४.५    नुवाकोट

८९.        १०:३९    ४.२    सिन्धुपाल्चोक

९०.        ११:३०    ४.०    धादिङ

मंगलबार

९१.        ००:४४    ४.८    गोरखा÷धादिङ

९२.        ०२:५९    ४.२    सिन्धुपाल्चोक

९३.        ०३:१२    ४.२    सिन्धुपाल्चोक

९४.        ०४:११    ४.२    गोरखा

९५.        ०५:०५    ४.९    रसुवा÷ सिन्धुपाल्चोक

९६.        ०७:४५    ४.२    दोलखा

९७.        ०८:४०    ४.०    सिन्धुपाल्चोक

९८.        १२:०८    ४.०    सिन्धुपाल्चोक

९९.        ०३:१०    ४.०    सिन्धुपाल्चोक

१००.      ०४:४४    ४.०    नुवाकोट

१०१.        ०५:०३    ४.२    सिन्धुपाल्चोक

बुधबार

१०२.         ०४:१४    ४.०     नुवाकोट

१०३        ०५:५४    ४.०     नुवाकोट

स्रोत : राष्ट्रिय भूकम्पमापन केन्द्र

Read more…

काठमाडौ, वैशाख १५ - संसदको राज्य व्यवस्था समितिले पीडितहरुलाइ तत्काल महसुस हुने गरी उद्दार, राहत र पुनस्र्थापनाको व्यवस्था मिलाउन सरकारलाई निर्देशन दिएको छ ।

समितिको मंगलबारको बैठकले न्यूनतम सामग्री समेत प्राप्त गर्न नसकेकोप्रति सरकारको ध्यानाकर्षण  गराएको छ । समितिले  भइरहेको कामहरुको निरन्तर जानकारी गराउन पनि गृहमन्त्री बामदेव गौतमलाई निर्देश गरेको छ । समितिले पिडित र घाइतेहरुको सरल र सहजरुपमा नि:शुल्क उपचार गराउने व्यवस्था तत्काल मिलाउने, मृतकहरुको व्यवस्थापन  गर्न भनेको छ ।

सवारी आवागमन सहज र सुचारु रुपमा सञ्चालन गराउदै  राजधानी वाहिर जान चाहने  तर सवारी भाडाको व्यवस्थापन गर्न नसक्ने यात्रुहरुका आवश्यक प्रवन्ध मिलाउन पनि सरकालाई आग्रह गरेको छ । त्यस्तै आपराधिक कृयाकलापमा संलग्न हुने प्रवृत्ति देखा परिसकेको यस अवस्थामा त्यस्ता कार्यलाई निरुत्साहित गर्न आवश्यक मात्रामा सुरक्षा निकायहरुको पेट्रोलिङ निरन्तर रुपमा सबै क्षेत्रमा गर्ने गराउने व्यवस्था मिलाउन पनि समितिले निर्देशन दिएको छ ।

कृत्रिम अभाव र कालोबजार नियन्त्रण गरी अत्यावश्यक सेवा सुविधा २४ सै घण्टा उपलब्ध गराउने, सेल्टरको रुपमा प्रयोग भएका स्थानहरुमा अत्यावश्यक सुरक्षाको प्रत्याभूति, खानेपानीको व्यवस्थापन र शौचालयको समेत उचित प्रवन्ध गर्न पनि समितिले भनेको छ । संभावित रोक नियन्न्त्रणका लागि व्यवस्थापन गर्ने ,निकट भविष्यमा नै सञ्चालन हुने विभिन्न परीक्षाहरुको सम्बन्धमा औचित्यतपूर्ण निर्णयको लागि सम्बन्धित निकायको ध्यानाकर्षण गराउन पनि समितिले सरकालाई निर्देशन दिएको छ ।

Read more…